Joriy yilning 18-sentabr kuni Davlat Statistika qo‘mitasida Birlashgan Millatlar Tashkilotining Toshkentdagi Aholishunoslik jamg‘armasi (UNFPA)ning 2016–2020-yillarga mo‘ljallangan mamlakat dasturini baholash yuzasidan xalqaro ekspert Elison King bilan uchrashuv bo‘lib o‘tdi.

Uchrashuvda UNFPAning mamlakat dasturini baholashda Davlat statistika qo‘mitasi va BMTning Aholishunoslik bo‘yicha vakolatxonasi o‘rtasidagi ikki tomonlama hamkorlik masalalari muhokama qilindi.

Davlat statistika qo‘mitasi vakillari 2022-yilda O‘zbekiston Respublikasida aholini qayta ro‘yxatga olishni o‘tkazishda UNFPA jamg‘armasi tomonidan ko‘rsatiladigan yordam muhim ahamiyat kasb etishini ta'kidladi.

Tomonlar hamkorlikning boshqa ustuvor yo‘nalishlarini to‘g‘risida firk bildirib, BMT tomonidan amalga oshirilayotgan dasturlar doirasida muloqotni davom ettirishga umid bildirildi.