2018 йилнинг 10 декабрь куни Ўзбекистон Республикаси Ташқи ишлар вазирининг биринчи ўринбосари Илҳом Неъматов Қувайт Давлати Фавқулодда ва Мухтор Элчиси Аҳмад Холид Абдулла ал-Жийрон билан учрашди.

Бўлиб ўтган суҳбат чоғида турли шакллардаги Ўзбекистон – Қувайт муносабатларини янада ривожлантиришнинг амалий жиҳатлари муҳокама қилинди.

Учрашувда 2019 йилда ўтказиладиган икки томонлама тадбирлар жадвали, жумладан Ҳукуматлараро комиссия йиғилишини ўтказиш муддати ҳамда савдо-иқтисодий ва банк-молия соҳаларидаги ҳамкорликни фаоллаштириш бўйича аниқ таклифлар кўриб чиқилди.

Манба: Ўзбекистон Республикаси Ташқи ишлар вазирлиги