3-5 апрель кунлари “Ўзэкспомарказ” МКМда Қишлоқ хўжалиги вазирлигининг расмий ҳамкорлигида озиқ-овқат саноати ва маҳсулотлари “Озиқ-овқат саноати” UzFood 2019 - Халқаро кўргазмаси бўлиб ўтади.

2019 йилнинг 1-3 апрель кунлари Ўзбекистон Республикаси Бош вазири ўринбосари Танзила Норбоева, Бандлик ва меҳнат муносабатлари вазири Шерзод Кудбиев ҳамда “Ўзтўқимачиликсаноат”, “Ўзбекистон ипаги” уюшмалари ва Касаба уюшмалари Федрацияси раҳбарларидан иборат Ҳукумат делегацияси амалий ташриф билан Европа Иттифоқи пойтахтида бўлади.

2019 йилнинг 1 апрель куни Европа Иттифоқининг Марказий Осиё бўйича махсус вакили Питер Буриан ва Афғонистон бўйича махсус вакили Роланд Кобиа бошчилигидаги ЙИ делегацияси Ўзбекистонга келади.

21 мартдан 22 мартгача Наврўз байрамини нишонлаш кунларида Шаҳрисабзда Иккинчи Миллий либослар фестивали бўлиб ўтади. Тадбирда Ўзбекистон, Қозоғистон, Қирғизистон, Тожикистон ва Италиядан модельерлар ва дизайнерлар тўпламларини тақдим этади.

Наврўз қадимий миллий байрами 21 март куни нишонланади.

2019 йилнинг 14-22 март кунлари Ўзбекистон Республикаси Вазирлар Маҳкамаси ҳузуридаги Наркотик моддаларни назорат қилиш миллий ахборот-таҳлил маркази, Давлат хавфсизлик хизмати ва Ички ишлар вазирлиги вакилларидан иборат делегация БМТ Наркотиклар ва жиноятчилик бўйича бошқармаси (БМТ НЖБ) Наркотик моддалари бўйича комиссиясининг Вена шаҳрида бўлиб ўтадиган 62-йиллик сессиясида иштирок этади.

2019 йилнинг 15 март куни Ўзбекистон Республикаси Бош вазири ўринбосари – Молия вазири Жамшид Қўчқоров бошчилигидаги делегация Москва шаҳрида МДҲ Иқтисодий кенгашининг 81-мажлисида иштирок этади.

13-15 март кунлари “Ўзэкспомарказ” МКМда “Қишлоқ хўжалиги - AgroWorld Uzbekistan 2019” 14 - Халқаро кўргазмаси бўлиб ўтади. Кўргазмада жаҳоннинг 20 та мамлакатидан 150 та компания иштирок этади.

2019 йилнинг 12 март куни Тошкент шаҳрида Ўзбекистон Республикаси ва Бирлашган Араб Амирликлари ўртасидаги Савдо-иқтисодий ва техник ҳамкорлик бўйича ҳукуматлараро комиссиянинг учинчи йиғилиши ўтказилади.