Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
YIning tashqi ishlar va xavfsizlik siyosati bo‘yicha oliy vakili bilan uchrashuv
2016-10-06 | Siyosat
2016-yilning 5-oktabr kuni Bryussel shahrida O‘zbekiston Respublikasi Tashqi ishlar vaziri Abdulaziz Kamilov boshchiligidagi delegatsiya YIning tashqi ishlar va xavfsizlik siyosati bo‘yicha oliy vakili, Yevrokomissiya vitse-prezidenti Federika Mogerini bilan ikki tomonlama muzokaralar o‘tkazdi.
Suhbat boshida Vazir Yevroittifoq rahbariyatiga Birinchi Prezident I.A.Karimovning vafoti munosabati bilan O‘zbekiston xalqiga bildirilgan hamdardlik uchun O‘zbekiston rahbariyati nomidan minnatdorchilik bildirdi.
Uchrashuvda ikki tomonlama hamkorlikning dolzarb masalalari, jumladan qo‘shma institutlarning bo‘lajak majlislari jadvali va kun tartibi muhokama qilindi.
Muloqot davomida 4-oktabr kuni bo‘lib o‘tgan “Markaziy Osiyo – Yevropa Ittifoqi” mintaqalararo uchrashuvi yakunlari hamda mintaqaviy va xalqaro siyosatning ayrim masalalari yuzasidan fikr almashildi.
