Ko'rinish
A
A
A
Shrift o'lchami
?
Ekran suxandoni
Ishlab chiqilgan: 
O`zbekiston Respublikasi
Hukumat portali
PricewaterhouseCoopers (PwC) kompaniyasi vakillari bilan uchrashuv
2021-06-28 | Iqtisodiyot
Iqtisodiy taraqqiyot va kambag‘allikni qisqartirish vazirining birinchi o‘rinbosari Ilxom Norqulov PricewaterhouseCoopers (PwC) kompaniyasining Yevroosiyo bo‘yicha ijrochi hamkori Maykl Axern boshchiligidagi delegatsiya bilan uchrashdi.
Maykl Axern yashirin iqtisodiyot hajmini o‘lchashda respublikadagi norasmiy sektorni o‘rganish muhimligi va bu borada PwC kompaniyasining tajribasi yuqori ekanligini aytib o‘tdi. O‘z navbatida, kompaniya Qirg‘izistonning norasmiy iqtisodiyoti bo‘yicha olib borgan tadqiqoti to‘g‘risidagi ma'lumotlar taqdim etildi.
Bu masala bo‘yicha aniq statistik ma'lumotlarni olish uchun “pilot” rejimida O‘zbekiston hududlaridagi vaziyatni o‘rganish ishlarini olib borish taklif etildi.
Shuningdek, tomonlar ekologik, ijtimoiy va korporativ boshqaruv sohasidagi hamkorlik masalalarini muhokama qilishdi. Xususan, vazirlik ushbu sohada amalga oshirayotgan ishlari bo‘yicha mehmonlarga ma'lumot berildi. Maykl Axern bu yo‘nalishda PwC kompaniyasi O‘zbekistonga ko‘maklashishiga tayyorligini ma'lum qildi.
Uchrashuv yakunida muhokama qilingan sohalarda hamkorlikni jadallashtirishga kelishildi.
Manba: O‘zbekiston Respublikasi Iqtisodiyot va moliya vazirligi
