O‘zbekiston Gender tenglikni ta’minlash masalalari bo‘yicha komissiyasi «Fuqarolik jamiyatini rolini O‘zbekistondagi ayollarning huquqlari va imkoniyatlarini himoya qilish, kengaytirish maqsadida kuchaytirish» ACTED loyihasi bilan hamkorlikda trening o‘tkazdi

Parlament yuqori palatasi ma’lumotiga ko‘ra, treningda gender tengligi, gender masalalari bo‘yicha xalqaro qonunchilikni muhokama qilish va davlat organlari vakillarining O‘zbekistonning inson huquqlari va gender tengligi bo‘yicha xalqaro majburiyatlari to‘g‘risida xabardorligini oshirish, mamlakatda gender tengligi va inson huquqlarini mustahkamlashga qaratilgan islohotlar to‘g‘risida so‘z yuritildi.

Ishtirokchilar, shuningdek, ayollar huquqlari, kamsitish va tengsizlik, inson huquqlari va gender tengligi bo‘yicha xalqaro huquqiy va me’yoriy hujjatlar, gender masalalari bo‘yicha muammolarni ommalashtirish (gender meynstriming) sessiyalarida mavzularga doir masalalarni muhokama qildi.

Treningda O‘zbekiston gender tengligini ta’minlash va ayollar huquqlarini himoya qilish bo‘yicha o‘z hissasini rasmiy ravishda bildirib kelayotgani ta’kidlandi.

Xususan, Pekin Platformasi va Pekin Harakatlar Rejasiga qo‘shildi, 1995 yilda Ayollarga nisbatan kamsitishni yo‘q qilish to‘g‘risidagi konvensiyani (CEDAW) imzoladi. Respublika Konstitutsiyasida esa kamsitilmaslik, ayollar va erkaklar uchun teng huquqlilik tamoyillari mustahkamlangan.

Manba: “Dunyo” axborot agentligi