2020-yilning 7-iyul kuni O‘zbekiston Respublikasi Tashqi ishlar vaziri o‘rinbosari Sherzod Asadov videokonferensaloqa formatida Belgiya Qirolligi Tashqi ishlar vazirligining ikki tomonlama masalalar bo‘yicha bosh direktori Anik Van Kalster bilan muzokaralar o‘tkazdi.

Suhbat chog‘ida O‘zbekiston va Belgiya o‘rtasidagi siyosiy, savdo-iqtisodiy, investitsiya, transport-kommunikatsiya, madaniy-gumanitar va boshqa sohalardagi ko‘p qirrali va o‘zaro manfaatli hamkorlikning hozirgi holati va istiqbollari muhokama qilindi.

Tomonlar turli darajalarda o‘zaro tashriflarni tashkil etish yo‘li bilan siyosiy muloqotni faollashtirishning zarurligini qayd etdilar. Shu nuqtayi nazardan O‘zbekiston tomoni epidemiologik vaziyat yaxshilanishi bilan ikki mamlakat tashqi ishlar vazirliklari o‘rtasidagi siyosiy maslahatlashuvlarning 7-raundini Toshkent shahrida o‘tkazishga tayyorligini bildirdi.

Savdo-iqtisodiy va investitsion aloqalarga alohida e’tibor qaratishning muhimligi ta’kidlandi, ikki tomonlama savdo hajmlarini oshirishga ko‘maklashish mexanizmlari ko‘rib chiqildi.

Manba: O’zbekiston Respublikasi Tashqi ishlar vazirligi