2019-yilning 18-yanvar kuni Oʻzbekistonning AQSHdagi Elchixonasida Amerika Qoʻshma Shtatlarining xorijdagi diplomatik missiyalari rahbarlari majlisida ishtirok etish uchun Vashington shahriga kelgan AQSHning Oʻzbekistondagi Muvaqqat ishlar vakili Alan Melser bilan uchrashuv boʻlib oʻtdi.

Fevral oyida oʻtkaziladigan siyosiy maslahatlashuvlarning kun tartibi, muddati va darajasi masalalarining Oʻzbekiston va AQSH diplomatik missiyalariga bogʻliq jihatlari yuzasidan fikr almashildi.

Oʻzbekiston va AQSH diplomatik missiyalarining konsullik xizmatlari orqali ikki mamlakat fuqarolariga yordam koʻrsatish masalalariga alohida eʼtibor qaratildi.