Yigirma yoshgacha bo'lgan futbolchilardan iborat O'zbekiston yoshlar terma jamoasi Yangi Zelandiya yoshlar terma jamoasiga qarshi ikkinchi o'rtoqlik uchrashuvini o'tkazdi.

30-may – 20-iyun kunlari Yangi Zelandiyada o'tkaziladigan jahon chempionatiga tayyorgarlik ko'rayotgan terma jamoamiz birinchi o'rtoqlik uchrashuvida yangi zelandiyalik yoshlarni 1:0 hisobida mag'lubiyatga uchratgan edi.

Poytaxtimizdagi "Jar" stadionida o'tkazilgan navbatdagi o'yin ham murosasiz kechdi. Uchrashuvning 20-daqiqasida Eldor Shomurodov raqib darvozasini aniq nishonga oldi. Ikkinchi bo'limning 48-daqiqasiga kelib raqib futbolchisi Aleks Rufer hisobni tenglashtirdi. 79-daqiqada Mirjamol Qosimov terma jamoamizning ikkinchi goliga mualliflik qildi. Shu tariqa yoshlarimiz Yangi Zelandiya yoshlar terma jamoasi ustidan 2:1 hisobida g'alaba qozondi.