O`zbekiston Respublikasi
Hukumat portali
Toshkentda dzyudo bo‘yicha Gran-pri turkumiga kiruvchi xalqaro turnir bo‘lib o‘tdi
2017-10-10 | Sport
Poytaxtimizdagi “O‘zbekiston” sport majmuasida dzyudo bo‘yicha Gran-pri turkumiga kiruvchi xalqaro turnir bo‘lib o‘tdi.
Xalqaro dzyudo federatsiyasi, O‘zbekiston Respublikasi Jismoniy tarbiya va sport davlat qo‘mitasi, Milliy olimpiya qo‘mitasi, mamlakatimiz dzyudo federatsiyasi tomonidan tashkil etilgan turnirda dunyoning 30 ga yaqin davlatidan 180 dan ortiq sportchi g‘oliblik uchun bellashdi.
Musobaqada O‘zbekiston terma jamoasi a’zolari 1 oltin, 2 kumush va 9 bronza medalni qo‘lga kiritib, umumjamoa hisobida ikkinchi o‘rinni egalladi.
– Poytaxtimizda tashkil etilgan mazkur nufuzli turnirda g‘olib bo‘lganimdan xursandman, – deydi dzyudochimiz Gulnoza Matniyozova. – Bunday turnirlar tajriba va mahoratimizni oshirish, kelgusidagi nufuzli xalqaro sport anjumanlariga puxta tayyorgarlik ko‘rishimizda muhim ahamiyatga ega.