Кўриниш
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Футболчи қизларимиз кубок мусобақаларида пешқадамлик қилмоқда
2016-10-18 | Спорт
Пойтахтимизда футбол бўйича 19 ёшгача қизлардан иборат терма жамоалар ўртасида Марказий Осиё футбол ассоциацияси кубоги мусобақаси ўтказилмоқда.
Унда Ўзбекистон, Эрон, Тожикистон ва Қирғизистон қизлар терма жамоалари ғолиблик учун ўзаро баҳслашмоқда.
Мусобақанинг дастлабки кунида Ўзбекистон терма жамоаси тожикистонлик рақибаларини 8:1 ҳисобида мағлубиятга учратди. Ўйинда Малика Бурҳонова, Нозима Камолтоева ва Мафтуна Панжиева иккитадан, Мафтуна Шойимова ва Рўзихон Асқарова биттадан голга муаллифлик қилди.
Қизларимиз иккинчи учрашувда Қирғизистон терма жамоаси дарвозасига жавобсиз бешта тўп киритиб, йирик ҳисобдаги ғалабани нишонлади ва мусобақа пешқадамига айланди.
Бугун футболчи қизларимиз эронлик тенгдошлари билан баҳслашади.
Манба: ЎзА
