Ҳиндистонда футбол бўйича ўн олти ёшгача бўлган ўсмирлар ўртасида ўтказилаётган Осиё чемпионатида Ўзбекистон ўсмирлар терма жамоаси яманлик тенгдошлари устидан 1:0 ҳисобида ғалаба қозонди.

Терма жамоамиз гуруҳдаги дастлабки учрашувда таиландликларни 5:3 ҳисобида мағлубиятга учратган эди. 

Гуруҳдаги иккинчи ўйин ҳам кескин ва муросасиз кечди. Учрашувнинг 69-дақиқасида Асадбек Собиржонов томонидан киритилган ягона гол терма жамоамизга ғалаба келтирди. 

Ўзбекистон ўсмирлар терма жамоаси олти очко билан гуруҳдаги етакчилик мавқеини мустаҳкамлаб олди. Футболчиларимиз навбатдаги ўйинни 23 сентябрь куни КХДР терма жамоасига қарши ўтказади. 

Манба: ЎзА