Мазкур тренинг Ислом давлатлари бўйича статистик, иқтисодий ва ижтимоий тадқиқотлар ўқув маркази (SESRIC) ҳамкорлигида, халқаро эксперт Худузаде Немат Исмаил иштирокида ўтказилди.

Тренингда Давлат статистика қўмитаси Марказий аппарати, Ўзбекистон Республикаси Меҳнат вазирлиги, Қорақалпоғистон Республикаси, вилоятлар ва Тошкент шаҳар статистика бошқармалари, Қўмитанинг Кадрларни қайта тайёрлаш ва статистика тадқиқотлари маркази ходимлари иштирок этишди.

Ушбу тренингнинг асосий мақсади, Давлат статистика қўмитаси ходимлари ва бошқа иштирокчиларни 19-Халқаро меҳнат статистиклари конферентсиясида қабул қилинган меҳнат фаолияти, ишчи кучи, иш вақти, бандлик ва ишсизлик каби тушунчалар билан батафсил таништириш ҳамда суб`ектлар билан бўладиган ўзаро меҳнат статистикаси бўйича ма`лумотларни тўплаш, қайта ишлаш ва тарқатиш муносабатлари бўйича иштирокчиларнинг малака ва кўникмаларини ошириш, иштирокчиларни муносиб меҳнат контсептсияси ва унинг кўрсаткичларини ҳисоблаш, миллий даражада ишчи кучи танлама кузатувини ўтказиш усуллари, меҳнат статистикаси бўйича эски ва янги ҳалқаро стандартларни ўрганиш, шунингдек халқаро миқёсида солиштириш учун меҳнат қиймати индексини ҳисоб-китоб қилишни такомиллаштириш йўллари билан танишишига имконият яратишдан иборат.

Тренинг доирасида мавзу юзасидан мунозара ва муҳокамалар ўтказилди ҳамда меҳнат статистикасини юритиш соҳасида тажрибалар алмашилди.

Манба: Ўзбекистон Республикаси Президенти ҳузуридаги Статистика агентлиги