Марказий ҳарбий округ тасарруфидаги Навоий гарнизонида жойлашган ҳарбий қисмда 1 июнь – Халқаро болаларни ҳимоя қилиш куни тантанали нишонланди.

Ҳарбий қисм бўйлаб болажонлар қувончи учун хизмат қиладиган байрам саҳнаси, аттракционлар, рассомлар шаҳарчаси, ҳунарманд болажон, шахмат ва шашка сингари бир-биридан қизиқарли ва фойдали масканлар яратилди. Ташкил этилган концерт дастурлари ва байрам дастурхонлари эртамиз эгаларига ҳақиқий байрам кайфиятини улашди.

Инсонпарвар ва адолатли жамиятни барпо этишнинг зарур шарт-шароити сифатида болаларнинг яшаш ҳуқуқини, фикр ва эътиқод эркинлигини, таълим ва дам олиш ҳамда бўш вақтини мазмунли ўтказиш ҳуқуқларини ҳурмат қилиш, мурғак қалбларни жисмоний ва психологик зўравонликлардан, болалар меҳнати эксплуатациясидан ҳимоя қилиш зарурлигини эслатиб туради.

Шу боис, Каттақўрғон гарнизонидаги ҳарбий қисмда ҳам байрам муносабати билан ҳарбий хизматчиларнинг фарзандлари ўртасида спортнинг сузиш тури бўйича мусобақа ташкиллаштирилди. Ушбу мусобақадан кўзланган мақсад болажонларнинг таътилини янада мароқли ўтказишларидан иборатдир.

Манба: Ўзбекистон Республикаси Мудофаа вазирлиги