Бугун Бухоро шаҳридаги Марказий стадионда ёнғин-қутқарув спорти бўйича эркаклар ва аёллар ўртасида Ўзбекистон чемпионатининг тантанали очилиш маросими бўлиб ўтди.

Фавқулодда вазиятлар вазири генерал-майор А.Х.Қўлдошев ўзининг табрик сўзида барча мусобақа иштирокчиларига ёрқин ва қизиқарли беллашув ҳамда юксак ютуқларни тилаб қолди. Эслатиб ўтамиз, уч кунлик мусобақада қутқарувчилар ушбу спортнинг 4 та йўналиши бўйича ғалаба учун кураш олиб боради. Мусобақанинг финал босқичига Ўзбекистоннинг барча вилоятларидан энг кучли жамоалар йўл олгани сабабли кураш кескин ўтиши кутилмоқда.

Манба: Ўзбекистон Республикаси Фавқулодда вазиятлар вазирлиги