2023 йил 7 февраль куни Ўзбекистон Республикаси ташқи ишлар вазирининг биринчи ўринбосари Фурқат Сидиқов Қатар Давлатининг мамлакатимиздаги Фавқулодда ва Мухтор Элчиси Ҳасан Ҳамза Ҳошимни қабул қилди.

Суҳбат чоғида Ўзбекистон-Қатар муносабатларининг ҳолати ва уни янада ривожлантиришнинг устувор йўналишлари муҳокама қилинди.

Савдо-иқтисодий ва инвестициявий, шунингдек, туризм соҳасидаги ҳамкорлик салоҳиятидан самарали фойдаланиш масалаларига алоҳида эътибор қаратилди.

Томонлар олий ва юқори даражадаги бўлажак қўшма тадбирлар жадвали ва кун тартиби юзасидан фикр алмашдилар.

Манба: Ўзбекистон Республикаси Ташқи ишлар вазирлиги