Ўзбекистон олий таълим, фан ва инновациялар вазирининг ўринбосари Шахло Турдиқулова Жанубий Корея халқаро ҳамкорлик агентлиги (KOICA) раҳбари Пак Сунджин билан учрашди

Учрашувда ҳамкорлик истиқболлари, вазирлик томонидан олимларни қўллаб-қувватлаш борасида яратилган имкониятлар, илмий ва стартап лойиҳалари муҳокама қилинди.

Вазир ўринбосари KOICA ваколатхонаси ва вазирлик ўртасида илмий-тадқиқот муассасаларини трансформация қилиш, инновацион ҳудудларда «ақлли» технологияларни жорий этиш, тиббиёт ва биотехнология соҳаларида ўзаро ҳамкорликни йўлга қўйиш бўйича ҳамкорлик бўйича таклифларни илгари сурди.

Учрашув якунлари бўйича KOICAнинг Ўзбекистондаги ваколатхонаси билан эксперт-маслаҳатчиларни жалб қилиш, шунингдек, Ўзбекистон миллий стартап экотизимини модернизация қилиш бўйича Инновацион ҳамкорлик дастури (IPS) доирасида биргаликда ишлаш тўғрисида келишувга эришилди.

Манба: Ўзбекистон Республикаси Олий таълим, фан ва инновациялар вазирлиги