O‘zbekiston oliy taʼlim, fan va innovatsiyalar vazirining o‘rinbosari Shaxlo Turdiqulova Janubiy Koreya xalqaro hamkorlik agentligi (KOICA) rahbari Pak Sundjin bilan uchrashdi

Uchrashuvda hamkorlik istiqbollari, vazirlik tomonidan olimlarni qo‘llab-quvvatlash borasida yaratilgan imkoniyatlar, ilmiy va startap loyihalari muhokama qilindi.

Vazir o‘rinbosari KOICA vakolatxonasi va vazirlik o‘rtasida ilmiy-tadqiqot muassasalarini transformatsiya qilish, innovatsion hududlarda “aqlli” texnologiyalarni joriy etish, tibbiyot va biotexnologiya sohalarida o‘zaro hamkorlikni yo‘lga qo‘yish bo‘yicha hamkorlik bo‘yicha takliflarni ilgari surdi.

Uchrashuv yakunlari bo‘yicha KOICAning O‘zbekistondagi vakolatxonasi bilan ekspert-maslahatchilarni jalb qilish, shuningdek, O‘zbekiston milliy startap ekotizimini modernizatsiya qilish bo‘yicha Innovatsion hamkorlik dasturi (IPS) doirasida birgalikda ishlash to‘g‘risida kelishuvga erishildi.

Manba: O‘zbekiston Respublikasi Oliy taʼlim, fan va innovatsiyalar vazirligi