20 январь куни Остона шаҳрида “Марказий Осиё-2030: келажак қиёфаси” мавзусида экспертлар учрашуви бўлиб ўтади.

Қозоғистон Республикаси Президенти ҳузуридаги Стратегик тадқиқотлар институти ва ушбу мамлакат Ташқи ишлар вазирлиги томонидан ташкил этилаётган мазкур тадбирда давлат идоралари вакиллари, Марказий Осиё мамлакатлари етакчи таҳлилий ва стратегик тадқиқот муассасалари раҳбарлари ҳамда минтақавий ҳамкорлик масалалари бўйича экспертлар, жумладан, Тошкентдаги Марказий Осиё халқаро институти директори  Владимир Норов ҳам иштирок этади.

Экспертлар учрашуви доирасида минтақамиз мамлакатлари ўртасида савдо-иқтисодий, транспорт ва энергетика, инсон капиталини ривожлантириш ҳамда маданий-гуманитар соҳалардаги ҳамкорлик истиқболи муҳокама қилиниши режалаштирилган.

Манба: ЎзА