20-yanvar kuni Ostona shahrida “Markaziy Osiyo-2030: kelajak qiyofasi” mavzusida ekspertlar uchrashuvi bo‘lib o‘tadi.

Qozog‘iston Respublikasi Prezidenti huzuridagi Strategik tadqiqotlar instituti va ushbu mamlakat Tashqi ishlar vazirligi tomonidan tashkil etilayotgan mazkur tadbirda davlat idoralari vakillari, Markaziy Osiyo mamlakatlari yetakchi tahliliy va strategik tadqiqot muassasalari rahbarlari hamda mintaqaviy hamkorlik masalalari bo‘yicha ekspertlar, jumladan, Toshkentdagi Markaziy Osiyo xalqaro instituti direktori  Vladimir Norov ham ishtirok etadi.

Ekspertlar uchrashuvi doirasida mintaqamiz mamlakatlari o‘rtasida savdo-iqtisodiy, transport va energetika, inson kapitalini rivojlantirish hamda madaniy-gumanitar sohalardagi hamkorlik istiqboli muhokama qilinishi rejalashtirilgan.

Manba: O'zA