Жорий йилнинг 14 декабрь куни Ўзбекистон Республикаси Инвестициялар ва ташқи савдо вазирлиги ҳузуридаги Халқаро ҳамкорлик ва тараққиёт агентлиги, Осиё тараққиёт банки вакиллари ва лойиҳа ташаббускорлари иштирокида мазкур Банк ҳамкорлигида амалга оширилаётган инвестиция лойиҳаларининг жорий ҳолатини кўриб чиқиш бўйича якуний йиғилиш бўлиб ўтди.

Коммунал ва сув хўжалиги, қишлоқ хўжалиги, энергетика, транспорт инфратузилмаси, соғлиқни сақлаш ва таълим каби соҳалардаги лойиҳаларни ҳаётга татбиқ этиш масалалари муҳокама қилиниб, уларни ўз вақтида фойдаланишга топшириш чора-тадбирлари таҳлил қилинди.

Учрашув якунлари бўйича эришилган келишувларни амалга ошириш бўйича аниқ чора-тадбирлар ва муддатлар кўрсатилган баённома ишлаб чиқилди.

Манба: Ўзбекистон Республикаси инвестициялар, саноат ва савдо вазирлиги