Жорий йилнинг 9 декабрь куни Нукус шаҳрида Ўзбекистон Республикаси инвестициялар ва ташқи савдо вазирининг биринчи ўринбосари Нозимжон Холмуродов раислигида ишлаб чиқарувчилар ва экспортчиларни қўллаб-қувватлаш, инвестиция дастурини амалга ошириш борасидаги ишлар муҳокамасига бағишланган йиғилиш бўлиб ўтди.

Йиғилишдан сўнг вазирлик ва идоралар, маҳаллий ҳокимият органлари раҳбарларидан иборат Ишчи гуруҳ корхоналарнинг ишлаб чиқариш фаолияти билан яқиндан танишиш, тадбиркорларни қийнаётган муаммоли масалаларни ўрганиш ва уларни тезкор бартараф этиш мақсадида Қорақалпоғистон Республикасининг Шуманай ва Қўнғирот туманларидаги бир қатор ишлаб чиқариш корхоналарида бўлди.

Манба: Ўзбекистон Республикаси инвестициялар, саноат ва савдо вазирлиги