Мазкур тадбирда Иқтисодий тараққиёт ва камбағалликни қисқартириш ва Молия вазирликлари мутасадди раҳбарлари, маҳаллий ва хорижий ташкилотлар экспертлари ҳамда бизнес вакиллари иштирок этишди. 

 

Конференциядан кўзланган асосий мақсад мамлакатда барқарор бизнес амалиётини ривожлантиришнинг ташкилий-ҳуқуқий асосини такомиллаштириш, корпоратив ижтимоий масъулият (CSR) ҳамда экологик, ижтимоий ва корпоратив бошқарув (CSR) тамойилларини татбиқ қилиш бўйича фикр алмашиш ва тавсиялар ишлаб чиқишдан иборат.

 

Конференция аввалида CSR (Корпоратив ижтимоий масъулият) ва CSR (екологик, ижтимоий ва корпоратив бошқарув тамойилларини татбиқ қилиш) тушунчаларининг мазмун-моҳияти, устувор вазифа ва мақсадлари ҳақида сўз борди.    Конференция давомида давлат ташкилотлари, маҳаллий ва хорижий ташкилотлар ҳамда бизнес вакиллари томонидан Ўзбекистонда “Барқарор ривожланиш мақсадлари”га эришишда кўрилаётган чоралар, кейинги 5 йиллик иқтисодий мақсадларга эришишда инклюзив ўсиш ва барқарорликни таъминлаш зарурати, мамлакатимизда “яшил” иқтисодиётни ривожлантириш йўлида амалга оширилаётган ишлар, инсон капиталини ривожлантириш истиқболлари каби тақдимотлар ўтказилди. 

 

“Тадбиркорлик ва иқлим ўзгариши”, “Тўқимачилик ва ишлаб чиқаришда “Барқарор ривожланиш мақсадлари”ни жорий этиш”, “Кичик ва ўрта бизнесда яшил технологияларни жорий этишни қўллаб-қувватлаш”, “Компаниялар учун инклюзивликнинг афзалликлари”, “Ўзбекистонда ESG ни  жорий этиш: бугунги кун ва янги устуворликлар” каби мавзулар муҳокама қилинди.  Шу билан бир қаторда, тадбирда мамлакатимизда ёшларга қаратилаётган эътибор, “Барқарор ривожланиш мақсадлари”га эришишда хусусий секторнинг роли юқорилиги, иқлим ўзгаришида инноватсион усуллар ва диверсификациясининг муҳимлиги таъкидланди. 

Конференция сўнгида ташриф буюрган меҳмонлар юқоридаги мавзулар бўйича ўзларини қизиқтирган саволларга жавоблар олдилар.