Cунъий интеллект бўйича маслаҳат кенгашининг биринчи йиғилишида Кенгаш раиси Б.Рахимов ва АМИТИ университети директор ўринбосари ўртасида ҳамкорлик меморандуми имзоланди.

Ҳужжатга кўра назарий ва амалий билимларни уйғунлаштириш, томонлар ўртасида ўзаро ҳамкорликни йўлга қўйиш орқали IT соҳаси учун зарур бўлган етук кадрларни тайёрлаш ҳамда умумий ўрта таълим мактабларида информатика йўналиши бўйича 25 нафар ўқитувчи-кадрлар учун қўшма малака ошириш курсларини ташкил этишга келишилди. 

Ҳамкорлик доирасида, аввалига, бир ой мобайнида умумий ўрта таълим мактабларида фаолият юритувчи фидойи кардларни танлаб олиш режалаштирилган. Шунингдек, олти ойлик махсус курс давомида уларга сунъий интеллект соҳасида малака ошириш имконияти яратилади.

Манба: Ўзбекистон Республикаси Инновацион ривожланиш агентлиги