18 октябрь куни “InnoWeek.uz-2022» халқаро инновацион ғоялар ҳафталиги доирасида  «Барқарор ривожланиш учун яшил инновациялар» мавзусидаги панель муҳокамаси ўтказилди. 

Панель муҳокамасида Бутунжаҳон интеллектуал мулк ташкилоти бош директори Дарен Танг (видео мурожаат), Бирлашган Араб Амирлиги делегацияси раҳбари, Муҳаммад бин Рашид номидаги Ҳукумат инновациялари маркази раҳбари Абир Тахлак ҳамда Германия Шарқий бизнес ассоциацияси Бошқарувчи директори Майкл Хармс (видео мурожаат), Сенатнинг Оролбўйи минтақасини ривожлантириш масалалари ва экология қўмитаси раиси Борий Алиханов , Исроил Атроф-муҳитни муҳофаза қилиш вазири Тамар Зандберг (видео мурожаат), MITSUBISHI HEAVY INDUSTRIES, LTD. компаниясининг ижрочи вице-президенти Кeнтаро Ҳосоми, «Expo 2030 Roma» махсус элчиси Ромео Орланди ҳамда Саудия Арабистонининг Қирол Абдулла номидаги Фан ва технологиялар университети президенти Тони Чан ва Инновацион ривожланиш вазири Иброҳим Абдураҳмонов иштирок этди

Панель муҳокамасида Ўзбекистон ва хорижий мамлакатлар вакиллари томонидан яратилган ва яратилаётган инновацион технологиялар, муқобил ва энергия тежамкор маҳсулотлар, яшил инновациялар ҳамда уларнинг дунёдаги экологик муаммоларига ижобий таъсири тўғрисида маълумотлар берилди.

Манба: Ўзбекистон Республикаси Инновацион ривожланиш агентлиги