Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
"Ўзбекистон ШҲТ давлатлари рассомлари нигоҳида"
2022-08-09 | Туризм
2022 йил сентабр ойида Самарқанд шаҳрида бўлиб ўтадиган “Шанхай ҳамкорлик ташкилотига аъзо давлатлар саммити”нинг маданий қисми мазмунини бойитиш мақсадида Ўзбекистон Туризм ва маданий мерос вазирлиги томонидан ШҲТ мамлакатлари таниқли рассомларининг “Ўзбекистон ШҲТ мамлакатлари рассомлари нигоҳида” кўргазмаси ташкил қилинади.
Айни пайтда лойиҳа ШҲТга аъзо мамлакатларнинг етакчи рассомлари иштирокида амалга оширилмоқда.
Гуруҳ 5 август куни пленер учун Ўзбекистонга етиб келди ҳамда Риштон, Марғилон ва Қўқоннинг маданий-тарихий мероси билан яқиндан танишишга муваффақ бўлди.
8 августдан бошлаб эса Самарқандда рассомлар ижодий ишларини бошлаб юборишди.
Бундан ташқари, ҳар бир рассом Ўзбекистонга ўз мамлакатларига бағишланган тайёр расмларини олиб келган. Барча чизилган расмлар Ўзбекистонга совға қилинади.
Манба: Ўзбекистон Республикаси Туризм ва маданий мерос вазирлиги
