2022-yil sentabr oyida Samarqand shahrida bo‘lib o‘tadigan “Shanxay hamkorlik tashkilotiga a’zo davlatlar sammiti”ning madaniy qismi mazmunini boyitish maqsadida O‘zbekiston Turizm va madaniy meros vazirligi tomonidan ShHT mamlakatlari taniqli rassomlarining “O‘zbekiston ShHT mamlakatlari rassomlari nigohida” ko‘rgazmasi tashkil qilinadi.

Ayni paytda loyiha ShHTga a’zo mamlakatlarning yetakchi rassomlari ishtirokida amalga oshirilmoqda.

Guruh 5-avgust kuni plener uchun O‘zbekistonga yetib keldi hamda Rishton, Marg‘ilon va Qo‘qonning madaniy-tarixiy merosi bilan yaqindan tanishishga muvaffaq bo‘ldi. 

8-avgustdan boshlab esa Samarqandda rassomlar ijodiy ishlarini boshlab yuborishdi.

Bundan tashqari, har bir rassom O‘zbekistonga o‘z mamlakatlariga bag‘ishlangan tayyor rasmlarini olib kelgan. Barcha chizilgan rasmlar O'zbekistonga sovg'a qilinadi.

Manba: O‘zbekiston Respublikasi Turizm va madaniy meros vazirligi