Оила ва хотин-қизлар давлат қўмитасида Ташқи меҳнат миграцияси агентлиги ҳамда “Ватандошлар” жамоат фонди вакиллари билан учрашув бўлиб ўтди.

Учрашувда Бош вазир ўринбосари, Оила ва хотин-қизлар давлат қўмитаси раиси Зулайҳо Маҳкамова хориждаги мигрант хотин-қизларимизга ўзаро кўмак кўрсатиш ва уларни ўз юртига қайтариш йўлида ҳамкорлик қилиш давр талаби эканлигини таъкидлади.

Шунингдек, Ташқи меҳнат миграцияси агентлиги бошлиғи вазифасини вақтинча бажарувчи Афзал Ирматов учрашувда билдирилган фикрларни қўллаб-қувватлади ва бу борада агентлик ҳамкорликка доимо тайёрлигини айтди. 

Шу билан бирга, “Ватандошлар” жамоат фонди бошқарув раиси Одилжон Сатторов чет элдаги  ўзбек аёл-қизларига молиявий томондан ёрдам кўрсатиш, узоқ ўлкаларда зўравонликка учраган ватандош хотин-қизларимизни ортга қайтариш борасида ўз таклифларини берди.

Учрашув сўнгида ўзаро ҳамкорлик меморандуми имзоланди. 

Н.Усмонова

Манба: ЎзА