Тошкент шаҳар ҳокимлигида TED University (Анқара, Туркия) раҳбарияти билан учрашув бўлиб ўтди.

Жаҳонгир Ортиқхўжаев меҳмонларга самимий қарши олиб, ўзбек-турк муносабатларининг жадал суръатларда ривожланаётганини таъкидлаб ўтди. Тарихан шаклланган ишбилармонлик ва дўстона алоқалар, сермаҳсул ва кўп қиррали ҳамкорликка урғу берди.

Учрашувда етакчи хорижий олий таълим муассасаларининг сони мамлакатимизда тобора ортиб бораётгани айтиб ўтилди. Тарафлар таълим соҳасида истиқболли ҳамкорлик имкониятларини муҳокама қилдилар, ўзаро имконият ва таклифларни ўрганиб чиқишга ҳамда мулоқотни янада аниқроқ даражада давом эттиришга келишиб олдилар.

Манба: Тошкент шаҳар ҳокимлиги