Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Олий ва ўрта махсус таълим вазирининг ўринбосари билан учрашув
2022-06-30 | Сиёсат
Ўзбекистон Республикаси ташқи ишлар вазири в.б. Владимир Норов Ўзбекистон Республикаси Олий ва ўрта махсус таълим вазирининг профессионал таълимни ривожлантириш масалалари бўйича ўринбосари Саодат Сиддиқова билан учрашув ўтказди.
Учрашувдан кўзланган асосий мақсад Ўзбекистон Республикаси Президенти Шавкат Мирзиёев томонидан аҳолини касб-ҳунарга тайёрлаш ва профессионал таълим марказлар фаолиятини такомиллаштириш бўйича видеоселектор йиғилишида белгилаб берилган вазифаларни амалга оширишда Ташқи ишлар вазирлиги ҳамда Ўзбекистон Республикаси Олий ва ўрта махсус таълим вазирлиги ўртасидаги ҳамкорликни кучайтириш масалаларини муҳокама қилишдан иборат.
Ўзбекистон Республикаси Ташқи ишлар вазирлиги ва хориждаги дипломатик ваколатхоналарниг мамлакатимиз ҳудудларида ташкил этилаётган профессионал тайёргарлик марказларига ҳар томонлама кўмаклашишлари тўғрисида келишувга эришилди. Хусусан, дунёнинг етакчи мамлакатлари тажрибасини ўрганиш асосида мазкур муассасалар фаолиятини яхшилаш бўйича аниқ, асосли таклифлар ишлаб чиқилади.
Ушбу марказлар фаолиятига хорижий мутахассислар ва консалтинг компанияларини жалб қилиш режалаштирилмоқда. Ўзбекистонлик мутахассисларини ўқитиш бўйича хорижий тузилмалар иштирокида қўшма лойиҳаларни амалга ошириш кўзда тутилган.
Ўзбекистон Республикасининг чет элдаги ҳар бир дипломатик ваколатхонасини мамлакатимизнинг барча ҳудудларидаги касбий таълим марказларига бириктириш таклиф этилди.
Манба: Ўзбекистон Республикаси Ташқи ишлар вазирлиги
