Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
“Coursera” компанияси билан жаҳон бозорида талаб юқори бўлган IT соҳасидаги касбларга ўқитишни йўлга қўйишга келишиб олинди
2022-06-24 | Жамият
Ахборот технологиялари ва коммуникацияларини ривожлантириш вазири Шерзод Шерматов АҚШга ташрифи давомида “Coursera” компанияси раҳбарияти билан учрашди.
Учрашув давомида АКТ вазири томонидан Ўзбекистонда бўлаётган ислоҳотлар, хусусан, таълим, АКТ соҳасида қилинган ва қилиниши керак бўлган ишлар хусусида маълумотлар берилди.
Uzbekcoders.uz платформасида БАА билан ҳамкорликда амалга оширилган “Бир миллион дастурчи” қўшма лойиҳасининг мантиқий давоми сифатида энди ҳақиқий мутахассис бўлиб ўқишни давом эттирмоқчи бўлганларга “Coursera” билан халқаро даражада ўқитиб сертификациялаш имкониятларини кенгайтириш бўйича лойиҳани амалга оширишга келишиб олинди.
Ушбу курсларни битирган ва сертификатни қўлга киритган ёшларнинг IT компанияларда юқори даромадли ишларга қабул қилинишларига ёки фриланс орқали буюртмалар олишларига кенгроқ йўл очилади.
IT соҳасидаги мутахассисларга дунёда талаб ортиб бораётгани сабабли ушбу соҳада ёшлар қунт билан ўқиб, яхши мутахассис бўлишса, улар бемалол ўз юртида яшаб, иқтисодий ривожланган давлатларга хизматларини экспорт қилиб, юқори даромад топа олади, кейинчалик эса ўз стартапини ривожлантириши ҳам мумкин бўлади.
Учрашув давомида компания вакиллари билан платформа орқали БПО хизматлари учун ҳам курслар ташкил этиш ва улардан фойдаланиш имкониялари ҳақида ҳам гаплашилди.
Шунингдек, келажакда иккала томон учун ҳам манфаатли бўладиган ҳамкорликни йўлга қўйиш бўйича келишиб олинди.
Манба: Ўзбекистон Республикаси Рақамли технологиялар вазирлиги
