Ташрифнинг биринчи куни Озарбайжонлик делегация аъзолари, Тошкент шаҳрининг диққатга сазовор жойлари, туризм салоҳияти, маданий мероси билан яқиндан танишдилар ва куннинг иккинчи ярмида “Тошкент санъат ҳафталиги” якуний тадбирида иштирок этишди. Ўзбекистонлик ёш ва ҳаваскор рассомларни ижодий ишларини томоша қилиб, ушбу санъат асарларини юқори баҳолашди.

Дастурга мувофиқ (дасртурдан Фарғона, Наманган, Тошкент, Жиззах, Самарқанд, Бухоро, Хоразм вилоятлари ва Тошкент шаҳрига ташрифлар ўрин олган), ижодий жамоа бугундан Ўзбекистоннинг туризм салоҳиятини Озарбайжонликлар нигоҳида ёритиш мақсадида тарихий шаҳарларимизга йўл олишди. Ташрифга доир қўшимча маълумотлар Вазирликнинг расмий сайти ва ижтимоий тармоқларидаги саҳифаларида эълон қилиб борилади. 

Манба: Ўзбекистон Республикаси Туризм ва маданий мерос вазирлиги