Ўзбекистон Республикаси Президенти ҳузуридаги Давлат бошқаруви академияси томонидан Ўзбекистон Республикаси Олий Мажлиси Сенатининг топшириғига кўра халқ депутатлари туман ва шаҳар Кенгашлари ҳамда котибият ходимлари фаолияти самарадорлигини янада ошириш мақсадида ўқув-семинарлари ташкил этилди.

Мазкур ўқув-семинар Қорақалпоғистон Республикаси, вилоятлар ва Тошкент шаҳрида ташкил этилган бўлиб, унга Молия вазирлигининг ҳудудий молия бош бошқармалари, туман, шаҳар молия бўлимларининг малакали мутахассислари, шунингдек, Молия вазирлиги ҳузуридаги Ўқув марказининг профессор-ўқитувчилари кенг жалб қилинди. Ташкил этилган ўқув-семинар давомида маҳаллий буджетни шакллантириш ҳамда унинг ижроси устидан депутатлик назоратини амалга оширишда халқ депутатлари маҳаллий Кенгашларининг ваколатлари, маҳаллий бюджет маблағлари сарфланишида жамоатчилик иштирокини таъминлаш масалалари юзасидан тақдимотлар ўтказилди.

Манба: Ўзбекистон Республикаси Молия вазирлиги