Бугун, 18 май куни Ўзбекистонда Халқаро музейлар куни муносабати билан “Очиқ эшиклар куни” ўтказилмоқда. Шу муносабат билан Ўзбекистон Давлат санъат музейида “Халқаро музейлар куни”нинг тантанали очилиш маросими бўлиб ўтди.

Тадбирни Ўзбекистон Республикаси Бош вазирининг ўринбосари – Туризм ва маданий мерос вазири Азиз Абдуҳакимов, вазирлик ҳузуридаги Маданий мерос агентлиги директори Шаҳриёр Нуруллоев ва бошқа мутасаддилар кириш сўзи билан очди.

Бугун мамлакатимиздаги барча музейларнинг кўргазма майдонига кириш учун тўлов бекор қилинди. Шу куни Ўзбекистон музейларида ўнлаб байрам дастурлари, янги кўргазмалар бўлиб ўтиши режалаштирилган.

Ўзбекистоннинг барча аҳолиси ва меҳмонларини Ўзбекистон музейларининг тарихий композицияларидан баҳраманд бўлишга таклиф қиламиз.

Манба: Ўзбекистон Республикаси Туризм ва маданий мерос вазирлиги