Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Ўзбекистон-Ҳиндистон ТИВлараро бўлажак сиёсий маслаҳатлашувлар тўғрисида
2022-05-10 | Сиёсат
2022 йил 11 май Деҳли шаҳрида Ўзбекистон Республикаси ва Ҳиндистон Республикаси Ташқи ишлар вазирликлари ўртасида сиёсий маслаҳатлашувларнинг 15 давраси бўлиб ўтади.
Ўзбекистон делегациясига ташқи ишлар вазири ўринбосари Фурқат Сидиқов раҳбарлик қилади.
Тадбир кун тартибидан Ўзбекистон-Ҳиндистон дўстлик ва стратегик шериклик муносабатларини янада мустаҳкамлаш, сиёсий, савдо-иқтисодий, инвестициявий, маданий-гуманитар ва бошқа соҳаларда кўп қиррали ҳамкорликни кенгайтиришга оид долзарб масалалар ўрин олган.
Олий даражада аввал эришилган келишувлар ижросини таъминлаш, шунингдек, савдо, саноат кооперацияси, «яшил» тараққиёт, инноватсион ва рақамли технологиялар, транспорт-логистика, маданий-гуманитар алмашинув соҳаларида амалий ҳамкорликни ривожлантиришга алоҳида эътибор қаратилади.
Ҳудудлараро ўзаро ҳамкорликни ривожлантириш истиқболларини муҳокама қилиш режалаштирилган.
Маслаҳатлашувлар давомида халқаро ва минтақавий кун тартиби юзасидан ҳам фикр алмашилади.
Манба: Ўзбекистон Республикаси Ташқи ишлар вазирлиги
