Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Латвия компанияларига учинчи мамлакатларга экспорт ҳажмини ошириш учун биргаликда ишлаш таклиф этилди
2022-04-27 | Иқтисодиёт
Ахборот технологиялари ва коммуникацияларини ривожлантириш вазири Шерзод Шерматов Латвия Республикасининг Ўзбекистондаги Фавқулодда ва Мухтор Элчиси Рейнис Трокша бошчилигидаги Латвия ИТ-компаниялари вакиллари билан учрашув ўтказди.
Учрашувда ҳамкорликнинг истиқболли йўналишлари, жумладан, таълим ва IT-тадбиркорлик соҳасида қўшма лойиҳаларни амалга ошириш масалалари муҳокама қилинди.
Йиғилишда таъкидланганидек, бугунги кунда Ўзбекистонда ахборот-коммуникация технологияларини ривожлантиришга жиддий эътибор қаратилмоқда. Давлатимиз раҳбари 14 апрел куни Ўзбекистон Республикаси Президенти ҳузурида ахборот технологиялари соҳасида эришилган натижалар ва 2022 йилга мўлжалланган вазифаларга бағишланган йиғилиш доирасида Ўзбекистонни ҳудудий IT-марказга айлантириш вазифасини қўйган эди.
БПО (бизнес жараёнлари аутсорсинги) ва КПО (бизнес жараёнлари аутсорсинги) хизматларини ривожлантириш лойиҳаларини амалга оширишда ҳамкорликни кучайтиришга алоҳида эътибор қаратилди.
Бугунги кунда Ўзбекистонда хорижий IT-компаниялар ва резидентлар учун барча шароит яратилган. Масалан, IT Парк резиденти бўлган хорижий IT-компанияларга инфратузилма ва солиқ имтиёзлари тақдим этилган. Хорижий IT-мутахассислар ва уларнинг оила аъзолари учун визалар олишнинг соддалаштирилган “IT Visa” тизими жорий этилди.
Томонлар ҳамкорликни ривожлантириш учун юқори салоҳият мавжудлигини қайд этиб, ахборот технологиялари соҳасида шерикликни ривожлантириш учун барча саъй-ҳаракатларни сафарбар этишга тайёр эканликларини билдирдилар.
Манба: Ўзбекистон Республикаси Рақамли технологиялар вазирлиги
