Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Биноларни замонавий талаблардан келиб чиқиб таъмирлаш ва улардан унумли фойдаланиш, БПО марказини ташкил этиш бўйича топшириқлар берилди
2022-04-18 | Жамият
Ахборот технологиялари ва коммуникацияларини ривожлантириш вазири Шерзод Шерматов Қашқадарё вилоятига хизмат сафари доирасида “Ўзбектелеком” АК Қашқадарё филиали Қарши шаҳар телекоммуникатсия боғламаси фаолияти билан танишди.
Ташриф давомида АКТ вазири Ш. Шерматов телекоммуникатсия боғламасида яратилган шароитлар билан яқиндан танишди. Аҳолига сифатли хизматларни кўрсатиш муҳимлиги таъкидланди. Шу мақсадда аҳоли ва ходимлар учун қулай шарт-шароит яратиш, компания абонент базасини ошириш ва ёшларни ишга кенгроқ жалб қилиш бўйича вазифалар қўйилди.
БПО хизматларини ривожлантириш каби муҳим ва истиқболли йўналишга алоҳида эътибор қаратилди. Қайд этилганидек, ёшларни АКТ соҳасига кенг жалб этиш ва юқори ҳақ тўланадиган IT-касбларини ривожлантириш уларнинг бандлигини янада оширишга хизмат қилади. Шу мақсадда биноларни замон талаблари асосида реконструкция қилиш, улардан оқилона фойдаланиш ҳамда уларда БПО маркази ташкил этиш бўйича кўрсатмалар берилди.
Манба: Ўзбекистон Республикаси Рақамли технологиялар вазирлиги
