Республикада сўнгги йилларда доривор ўсимликларни муҳофаза қилиш, табиий ресурслардан оқилона фойдаланиш, доривор ўсимликлар етиштириладиган плантациялар ташкил этиш ва уларни қайта ишлаш борасида изчил ислоҳотлар амалга оширилмоқда.

Хусусан, 2022 йил 31 март куни дориворчилик соҳасини ривожлантириш ҳамда соҳада кузатилаётган муаммоларни ўрганиш ва уларга ечим топиш мақсадида Ўзбекистон Республикаси Президент Администрацияси ташаббуси билан вазирлик идоралар ҳамда тадбиркорлар иштирокида онлайн учрашув ташкил этилди.

Учрашувда тадбиркорлар томонидан дориворчилик йўналишида қилинаётган ишлар ҳамда фаолият давомида вужудга келаётган муаммолар ва таклифлар бериб ўтилди.

Учрашув якунида дориворчилик соҳасини янада ривожлантириш борасида табдиркорлик субъектлари томонидан берилган таклифлар ўрганиб чиқилган ҳолда амалиётга жорий этишга келишиб олинди.

Манба: Ўзбекистон Республикаси Савдо саноат палатаси