Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
BPO ва KPO хизматларини ривожлантиришда ҳамкорликни кенгайтириш бўйича музокаралар олиб борилди
2022-03-03 | Жамият
АКТ вазирлиги делегатсиясининг Бутунжаҳон мобил конгрессида иштирок этиши доирасида АКТ вазири Ш.Шерматов “Rohde & Schwarz” компанияси раҳбарияти билан учрашув ўтказди.
Учрашув давомида Ўзбекистонда радиомониторинг ва рақамли телеэшиттириш тизимини кенгайтириш дастурининг учинчи босқичини амалга ошириш ҳамда юқори частотали сигналларни мониторинг қилиш ва таҳлил тизимини яратиш имкониятларига оид масалалар муҳокама қилинди. Шу билан бирга, қисқа тўлқинли частота диапазони радио мониторингини ташкил этиш бўйича ҳам фикрлар алмашилди.
Шунингдек, “Rohde & Schwarz GmbH” раҳбарияти билан компания томонидан ишлаб чиқарилган, ихтисослаштирилган ўлчаш ускуналари ва дастурий таъминот комплекларини етказиш учун шартномани имзолаш бўйича музокаралар ҳам олиб борилди.
Учрашувда маҳаллий ёшларни ишга жойлаштириш орқали BPO ва KPO хизматларини ривожлантириш лойиҳаларини амалга оширишда “Rohde & Schwarz” компаниясининг бевосита иштирокини таъминлаш масалаларига алоҳида эътибор қаратилди.
Манба: Ўзбекистон Республикаси Рақамли технологиялар вазирлиги
