Анжуманда 200 га яқин компаниялар иштирок этяпти. 

“Ўзэкспомарказ” миллий кўргазмалар мажмуасида 1—4 март кунлари қурилиш саноатидаги йирик  23-Ўзбекистон халқаро кўргазмаси бўлиб ўтмоқда. Кўргазма тафсилотлари ҳақида “Ўзсаноатқурилишматериаллари” уюшмаси хабар берди. 

Анъанавий тадбирда маҳаллий ва хорижий ишлаб чиқарувчиларнинг илғор тажрибаси ва технологиялари намойиш этилмоқда. Анжуманда Австрия, Озарбайжон, Германия, Дания, Италия, Испания, Қозоғистон, Хитой, Нидерландлар, Корея Республикаси, Латвия, Россия, АҚШ, Туркия, Ўзбекистон ва Финляндия каби мамлакатлардан 200 га яқин компаниялар иштирок этяпти.

Кўргазма бизнес дастури доирасида 3-Халқаро қурилиш саноати анжумани — ICCI ташкил этилиб, у давлат тузилмалари, соҳавий уюшмалар ва бирлашмалар вакилларини, қурилиш бозори мутахассисларини саноатнинг долзарб тенденцияларини муҳокама ва мунозара қилиш учун бирлаштиради.

Манба: «Янги Ўзбекистон»