Инновацион ривожланиш вазирлиги мутахассислари «Ёш олимларни етакчи хорижий илмий ташкилотларга қисқа муддатли илмий стажировкаларга юбориш тартиби» мавзусида семинар-тренинг ўтказдилар. Тренинг онлайн шаклда ташкил этилган бўлиб, унда Ўзбекистон миллий метрология институти ва унинг ҳудудий филиалларидан 30 нафардан ортиқ илмий ходимлар ва мутахассислар қатнашдилар

Илмий стажировкалар ва лаборатория асбоб-ускуналари харидини ташкил этиш бўлими бошлиғи Сарварбек Тахиров ва етакчи мутахассиси Сулаймон Султонов тингловчиларга ёш олимларни қисқа муддатли илмий стажировкаларга юбориш тартиби, бунда талаб этиладиган ҳужжатлар ҳамда бошқа шу каби муҳим масалалар бўйича вебинар иштирокчиларга маълумотлар бериб, барча саволларига жавоб бердилар.

Эслатиб ўтамиз, 16 февраль куни Инновацион ривожланиш вазири Иброҳим Абдураҳмонов Ўзбeкистон Рeспубликаси Инвeстициялар ва ташқи савдо вазирлиги ҳузуридаги Ўзбeкистон тeхник жиҳатдан тартибга солиш агeнтлиги ҳузуридаги Ўзбeкистон миллий мeтрология институтида бўлиб, институт инфратузилмаси, лабораториялари, ходимларга яратилган шароитлар билан танишиб, институт раҳбарлари ва илмий ходимлари билан учрашган эди

Манба: Ўзбекистон Республикаси Инновацион ривожланиш агентлиги