Инновацион ривожланиш вазирлигида Туркия Республикасининг Ўзбекистондаги Фавқулодда ва мухтор элчиси Олган Бекар ва вазир Иброҳим Абдураҳмонов ўртасида учрашув бўлиб ўтди.

Томонлар биргаликда амалга оширилаётган лойиҳалар, жумладан технопаркларни юритиш ва резидентларни жалб қилиш, малака ошириш ва докторантура дастурлари, кибер хавфсизлик соҳасидаги ишлар ҳолатини муҳокама қилдилар.

Ўзаро ҳамкорлик ҳолатини ижобий баҳолаган ҳолда, учрашув сўнгида илм-фан ва инновациялар соҳасидаги алоқаларни кенгайтиришга келишиб олинди.

Манба: Ўзбекистон Республикаси Инновацион ривожланиш агентлиги