Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Корея Республикаси Элчиси билан учрашув
2022-02-09 | Сиёсат
2022 йилнинг 9 феврал куни Ўзбекистон Республикаси Ташқи ишлар вазири Абдулазиз Камилов Корея Республикасининг Фавқулодда ва Мухтор Элчиси Кан Чже Квонни мамлакатимиздаги дипломатик миссияси якунлангани муносабати билан қабул қилди.
Ўзбекистон ТИВ раҳбари Элчининг икки томонлама дўстлик ва алоҳида стратегик шериклик муносабатларини мустаҳкамлашга қўшган шахсий ҳиссасини эътироф этди.
Суҳбат чоғида аввал эришилган келишувларни амалга ошириш, бўлажак тадбирлар жадвали ва томонларни қизиқтирган соҳаларда ўзаро ҳамкорликни фаоллаштириш режалари муҳокама қилинди.
Элчи Ўзбекистонда ўз фаолиятини амалга ошириш учун яратилган қулай шароитлар ва кўрсатилган кўмак учун Ўзбекистон томонига миннатдорлик билдирди.
Манба: Ўзбекистон Республикаси Ташқи ишлар вазирлиги
