Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Латвия Ташқи ишлар вазири билан учрашув тўғрисида
2022-02-08 | Сиёсат
2022 йилнинг 8 феврал куни Ўзбекистон Республикаси Ташқи ишлар вазири Абдулазиз Камилов мамлакатимизга амалий ташриф билан келган Латвия Республикаси Ташқи ишлар вазири Эдгарсом Ринкевичсом билан учрашди.
Ташқи сиёсат идоралари раҳбарлари Ўзбекистон-Латвия кун тартибидаги кенг кўламли масалаларни муҳокама қилдилар. Жумладан, сиёсий, дипломатик, савдо-иқтисодий, инвестициявий, маданий-гуманитар ва бошқа соҳалардаги ҳамкорликни ривожлантириш истиқболларига алоҳида эътибор қаратдилар.
Томонлар парламентлараро алоқаларни мустаҳкамлаш, сиёсий мулоқотни фаоллаштириш ва илмий гуманитар алмашинувларни кенгайтиришдан манфаатдор эканликларини билдирдилар.
Ўзаро ҳамкорликнинг ҳуқуқий асосларини кенгайтириш зарурати, хусусан, бир қатор ҳужжатлар лойиҳаларини кўриб чиқиш, айниқса, Латвия ҳудудида вақтинчалик меҳнат фаолиятини амалга ошираётган меҳнат мигрантлари ва Ўзбекистон фуқаролари ҳуқуқларини ҳимоя қилиш бўйича бир қатор ҳужжатлар, жумладан, ташкилий асосда қабул қилиш ва жалб этиш ҳамда бандлик тўғрисидаги ҳукуматлараро битим лойиҳаларини кўриб чиқишни жадаллаштириш муҳимлиги қайд этилди.
Вазирлар ўзаро товар айирбошлаш ҳажмини ошириш ва унинг тузилмасини диверсификациялаш бўйича келишилган чора-тадбирларни кўриш зарурлигини таъкидладилар. Иқтисодий дипломатияни, жумладан, қўшма инвестиция лойиҳаларини амалга ошириш ва ўзаро савдо миссияларини ташкил этиш орқали янада рағбатлантириш бўйича таклифлар кўриб чиқилди.
Халқаро ва минтақавий сиёсатнинг долзарб масалалари юзасидан фикр алмашилди.
Учрашув чоғида Ўзбекистон Республикаси Ташқи ишлар вазирлиги ва Латвия Республикаси Ташқи ишлар вазирлиги ўртасида ҳамкорлик ва маслаҳатлашувлар тўғрисида протокол имзоланди. Музокаралар якунида ОАВ вакиллари учун матбуот анжумани ташкил этилди.
Манба: Ўзбекистон Республикаси Ташқи ишлар вазирлиги
