Делегация вакиллари Бошқарма фаолияти, хусусан, “e-Fitouz” дала назорати мониторинги, “tt.biznesvakil.uz” электрон тизими, “Assalom agro” электрон платформаси ҳамда сайёр мобил лаборатория фаолияти билан танишдилар. Сўнгра меҳмонлар экспорт қилинаётган маҳсулотларни карантин назоратидан ўтказиш жараёнлари ҳамда уларга халқаро фитосанитар сертификатларни расмийлаштириш ва ташқи карантин соҳасига оид бошқа маълумотлар билан таништирилди.

 

Шу билан бир қаторда, тожикистонлик мутахассислар аккредитациядан ўтган фитосанитария лабораториясини кўздан кечирдилар. Улар лабораториянинг замонавий жиҳозланганлиги ва иш жараёни талаб даражасида эканлигига алоҳида эътибор қаратишди. Айниқса, зарарланган намуналарнинг олиб келиниши ҳамда энтомологик, фитопатологик, герборлогик экспертиза ўтказиш жараёнлари, хусусан, ҳашарот ва касалликларни лаборатория шароитида тезкор индентификация қилиш, ўта хавфли зарарли организмларни белгиланган усуллардан фойдаланган ҳолда аниқлаш каби иш жараёнларидаги кўргазмали намуналар меҳмонларда катта таассурот қолдирди.

 

Шунингдек, лаборатория жиҳозларини стерилизация ва утилизация қилиш жараёнида замонавий ускуналардан фойдаланилаётганлигига ҳам алоҳида эътибор қаратилди.

 

Учрашув сўнггида Тожикистон делегацияси вакиллари соҳани ривожлантиришда ўзаро ҳамкорлик ришталарини яна мустаҳкамлаш бўйича фикр ва таклифларини билдирди.