Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
Франция ташқи сиёсат идорасида учрашув
2022-01-28 | Сиёсат
2022 йил 27 январ куни Ўзбекистон Республикаси Президентининг Афғонистон бўйича Махсус вакили Исматулла Иргашев Париж шаҳрида Франция Республикаси Европа масалалари ва ташқи ишлар вазирлиги Осиё ва Океания департаменти директори Бертран Лортолари билан учрашди.
Суҳбат чоғида Ўзбекистон ва Франциянинг афғон инқирозини тинч йўл билан ҳал этиш борасидаги саъй-ҳаракатлари ҳамда ушбу мамлакатга гуманитар ёрдам кўрсатиш масалалари муҳокама қилинди.
Б.Лортолари Франция ва Европа Иттифоқига аъзо бошқа давлатлар фуқароларини Афғонистондан эвакуация қилишда Ўзбекистон томонидан кўрсатилган ёрдамни юқори баҳолади ҳамда Афғонистонда тинчлик ва барқарорликни мустаҳкамлаш йўлида Ўзбекистон томони билан фаол ҳамкорликни давом эттиришга тайёрлигини билдирди.
Томонлар, шунингдек, афғон муаммоси бўйича халқаро ҳамжамиятнинг яхлит позициясининг ишлаб чиқиш зарурлигини таъкидладилар.
Франция томони Ўзбекистоннинг Термиз шаҳрида БМТ шафелигида афғон халқига инсонпарварлик ёрдам кўрсатиш бўйича халқаро хаб ташкил этиш ташаббусини қўллаб-қувватлади.
Бундан кейин ҳам Афғонистон масаласи бўйича маслаҳатлашувларни давом эттириш бўйича келишувга эришилди.
Манба: Ўзбекистон Республикаси Ташқи ишлар вазирлиги
