Кўриниш
A
A
A
Шрифт ўлчами
?
Экран сухандони
Ишлаб чиқилган: 
Ўзбекистон Республикаси
Ҳукумат портали
KOICA Ўзбекистондаги IT-Парк салоҳиятини оширишга 4,5 миллион доллар грант ажратади
2021-12-16 | Иқтисодиёт
Бугун, 16 декабрь куни Сеул (Жанубий Корея) шаҳрига ташриф билан келган Ўзбекистон Республикаси Ахборот технологиялари ва коммуникацияларини ривожлантириш вазири Шерзод Шерматовнинг Корея Республикасининг, Корея Халқаро ҳамкорлик агентлиги президенти ўринбосари Им Чжон Хи билан учрашуви бўлиб ўтди.
Учрашув чоғида икки томонлама ҳамкорликни кенгайтириш доирасида ахборот технологиялари ва стартапларни қўллаб-қувватлаш соҳасида янги лойиҳаларни йўлга қўйиш, стартап экотизимини ва ахборот технологиялари соҳасини ривожлантириш бўйича Корея технопарклари билан ҳамкорликни янада ривожлантириш, жумладан, инкубация ва акселерация дастурларини такомиллаштириш масалалари муҳокама қилинди.
Бундан ташқари, Корея Республикасининг Корея Халқаро ҳамкорлик агентлиги (KOICA ) ва Ўзбекистон Республикасининг Дастурий маҳсулотлар ва ахборот технологиялари технологик парки дирексияси (IT-Парк), “Ўзбекистонда IT-Паркнинг барқарор ривожланиши асосларини шакллантириш ва салоҳиятини ошириш” лойиҳаси бўйича бир қатор муҳокамалар ўтказдилар.
Шу билан бирга, учрашув давомида Корея Республикасининг Корея Халқаро ҳамкорлик агентлиги (KOICA ) ва Ўзбекистон Республикасининг Дастурий маҳсулотлар ва ахборот технологиялари технологик парки дирекцияси (IT-Парк), ўртасида “Ўзбекистонда IT-Паркнинг барқарор ривожланиши асосларини шакллантириш ва салоҳиятини ошириш” лойиҳаси бўйича муҳокама Баёни имзоланди.
Бунга асосан KOICA Ўзбекистондаги IT-Парк салоҳиятини оширишга 4,5 млн доллар грант ажратади.
Манба: Ўзбекистон Республикаси Рақамли технологиялар вазирлиги
