2021 йил 8 декабрь куни Душанбе шаҳрида БМТнинг Марказий Осиё учун превентив дипломатия бўйича минтақавий маркази (МОПДММ) томонидан Марказий Осиё мамлакатлари ташқи ишлар вазирлари ўринбосарларининг навбатдаги учрашуви ўтказилди.

Ўзбекистон Республикаси делегациясигаТашқи ишлар вазири ўринбосари Фурқат Сидиков бошчилик қилди. Тадбир иштирокчилари минтақадаги мавжуд таҳдидлар хавф-хатарларга қарши кураш борасида амалга оширилаётган саъй-ҳаракатларни, МОПДММ билан ҳамкорликнинг бугунги ҳолати ва истиқболлари, шунингдек, етакчи ёшлар билан мулоқот учун йўлга қўйилаётган имкониятларни муҳокама қилдилар. 

Манба: Ўзбекистон Республикаси Ташқи ишлар вазирлиги