Тадбир давомида томонлар Ташкилотнинг бўлажак саммитига тайёргарлик кўриш ва Давлат раҳбарлари кўриб чиқиши учун киритилган қатор ҳужжатлар лойиҳалари юзасидан фикр алмашдилар.

 

Иқтисодий Ҳамкорлик Ташкилоти доирасидаги кўп томонлама ҳамкорликнинг бугунги ҳолати ва уни янада ривожлантириш истиқболлари муҳокама қилинди. Ташкилотнинг ихтисослашган институтлари ҳисоботлари тингланди ва тасдиқланди.

 

Ўзбекистон Республикаси Ташқи ишлар вазири Абдулазиз Камилов ўз нутқида Иқтисодий Ҳамкорлик Ташкилоти мамлакатларида савдо-иқтисодий алоқаларни фаоллаштириш зарурлигини таъкидлаб, бунинг учун савдо тўсиқларини бартараф этиш, божхона ва бошқа жараёнларни енгиллаштириш, транспорт-коммуникация тизимини ривожлантириш муҳимлигини қайд этди. Ўз навбатида, Афғонистонни минтақавий жараёнларга жалб этиш, ушбу мамлакатга инсонпарварлик ёрдами кўрсатилишига кўмаклашиш ва инфратузилма лойиҳаларини амалга ошириш муҳимлиги билдирилди.