Уларга Давлат бошқаруви академияси, Ёшлар муаммоларини ўрганиш ва истиқболли кадрларни тайёрлаш институти профессор-ўқитувчилари, Ёшлар ишлари агентлиги ҳамда бошқа масъул вазирлик ва идоралар мутахассислари томонидан 2 кун давомида назарий ва амалий билим берилди.  

Ўқув жараёнида бўлажак тренерлар Ёшлар ишлари агентлигининг МФЙдаги вакили лавозимига номзодлар учун маҳалладаги ҳар бир ёшлар билан манзилли ишлаб, уларнинг муаммоларини ҳал этиш, “Ёшлар дафтари” ва ёшлар дастурларини шакллантириш ва уларнинг ижросини таъминлаш, “Беш муҳим ташаббус” ижросини таъминлаш, ёшларни ватанпарварлик руҳида тарбиялаш, ҳоким ёрдамчилари билан биргаликда ёшларнинг касб кўникмаларини шакллантириш ва бандлигини таъминлаш бўйича уларнинг назарий билимлари ва амалий кўникмаларини оширишга қаратилган семинар-тренингларни ташкил этиш ва ўтказиш бўйича  тегишли маълумотларга эга бўлди. 

Шунингдек, тингловчиларнинг “Ёшлар етакчиларида касбий мулоқотни шакллантириш”, “Хатар гуруҳи”га мансуб (ҳуқуқбузарликка мойил, профилактик ҳисобда турган) ёшлар билан ишлаш технологиялари”, “Ёшлар етакчиларида лидерлик маҳоратини ривожлантириш”, “Маҳаллада ёшларнинг устувор муаммоларини аниқлаш”, “Маҳаллада ёшларнинг бўш вақтини самарали ташкил қилиш”, “Ёшларнинг тадбиркорлик фаолиятини ташкил этишга кўмаклашиш ва уларнинг бандлигини таъминлаш масалалари”, “Ёшлар етакчиларида “Ёшлар дафтари” билан ишлаш ва ёшлар дастурларини шакллантириш кўникмаларини ривожлантириш” ва “Ёшларни ватанпарварлик руҳида тарбиялаш” каби мавзулар доирасида билим, кўникма ва малакалари оширилди.

Мазкур ўқув-семинарида тайёргарликдан ўтган тренерлар жорий йилнинг ноябрь-декабрь ойларида ҳар бир шаҳар ва туманларда ташкил этиладиган семинар-тренингларда Ёшлар ишлари агентлигининг маҳалладаги вакиллигига саралаб олинган номзодлар билан ўқув тренинглари олиб боради.